धाब्यावरचं जेवण म्हणजे एक वेगळीच मजा! शहरातल्या मोठ्या हॉटेलात मिळणाऱ्या स्वच्छ, सुंदर प्लेटपेक्षा धाब्याचं गरमागरम, मसालेदार आणि भरपूर बटर टाकलेलं जेवण म्हणजे खरंच काही वेगळंच असतं. त्यात जर धाबा स्टाईल पनीर बटर मसाला मिळाला तर अहाहा! पण एकदा हा घरी केला तर मग हॉटेलमध्ये जाऊन खायची गरजच नाही राहणार!
साहित्य:
(४ लोकांसाठी)
✔ २०० ग्रॅम पनीर (चांगल्या ब्रँडचं किंवा घरचं बनवलेलं)
✔ २ मध्यम टोमॅटो (प्युरीसाठी)
✔ १ मोठा कांदा (बारीक चिरलेला)
✔ १ चमचा आले-लसूण पेस्ट
✔ २ चमचे बटर (धाबा स्टाईल असल्याने कमी करू नका!)
✔ १ चमचा तेल
✔ १ चमचा काश्मिरी लाल मिरची पावडर
✔ १/२ चमचा हळद
✔ १ चमचा गरम मसाला
✔ १ चमचा धणे-जिरे पावडर
✔ १/२ चमचा कसुरी मेथी
✔ २ चमचे फ्रेश क्रीम (नसेल तर दूध चालेल)
✔ १ चमचा साखर
✔ चवीनुसार मीठ
✔ कोथिंबीर सजावटीसाठी
कृती:
स्टेप १: टोमॅटो प्युरी बनवा
सर्वप्रथम टोमॅटो गरम पाण्यात ५ मिनिटं उकळवा आणि त्याची साले काढून मिक्सरमध्ये बारीक वाटून घ्या. ही टोमॅटो प्युरी बाजूला ठेवा.
स्टेप २: बेस तयार करा
१. एका जाड तळाच्या पॅनमध्ये तेल आणि १ चमचा बटर टाका.
2. त्यात चिरलेला कांदा आणि आले-लसूण पेस्ट घालून चांगला परतवा. कांदा गुलाबीसर झाला की त्यात टोमॅटो प्युरी टाका.
3. आता हळद, मिरची पावडर, धणे-जिरे पावडर आणि गरम मसाला घालून मसाला तेल सुटेपर्यंत परता.
4. आता चवीनुसार मीठ आणि साखर टाका आणि मसाला मंद आचेवर शिजू द्या.
स्टेप ३: पनीर आणि बटरचा धमाका!
1. आता उरलेला बटर टाका (डगमगू नका, धाबा स्टाईल असल्यानं बटर जरा जास्तच लागतं!).
2. त्यात कसुरी मेथी चोळून टाका, यामुळे भन्नाट सुगंध येईल.
3. आता पनीरचे तुकडे टाका आणि हलक्या हाताने ढवळा.
4. शेवटी फ्रेश क्रीम टाकून एक वाफ येऊ द्या आणि गॅस बंद करा.
5. वरून कोथिंबीर पेरा आणि गरमागरम सर्व्ह करा.
“धाब्याचा फील घ्यायचा? मग असं खा!”
हा पनीर बटर मसाला गरमागरम बटर नान, तंदूरी रोटी किंवा जीराराइस सोबत अप्रतिम लागतो. वरून अजून थोडं बटर घालून खाल्लं तर खरंच हॉटेलचं नाव विसराल!
मग काय, आजच करून बघा आणि फक्त हॉटेलवाल्यांच्या नावाने बोटं चाटू नका, स्वतःच्या हाताची चव अनुभवा!
